Ministri i Arsimit dhe Shkencës, z. Myqerem Tafaj, mori pjesë në diskutimin rajonal të kurrikulës 1-9, që u bë në qytetin e Elbasanit
Faqja 1 e 1
Ministri i Arsimit dhe Shkencës, z. Myqerem Tafaj, mori pjesë në diskutimin rajonal të kurrikulës 1-9, që u bë në qytetin e Elbasanit
Ministri i Arsimit dhe Shkencës, z. Myqerem Tafaj, mori pjesë në diskutimin rajonal të kurrikulës 1-9, që u bë në qytetin e Elbasanit, me mësues e pedagogë.
Në fjalën e tij ministri Tafaj, falënderoi mësuesit dhe pedagogët që morën pjesë në këtë aktivitet të rëndësishëm duke përfunduar këtë platformë të kurrikulës së arsimit bazë, të nisur prej më se dy vitesh.
Ministri Tafaj, theksoi se ne po punojmë ngushtë me një grup pune me Ministrinë e Arsimit, Shkencës dhe Teknologjisë së Republikës së Kosovës dhe synojmë që kurrikula 1-9, kurrikula e arsimit bazë, e cila është kurrikula më e rëndësishme e një sistemi arsimor, sepse mbi këtë bazë ngrihet edhe arsimi i mesëm edhe arsimi i lartë, të jetë një kurrikul e unifikuar, e cila të zbatohet në shkollat e Shqipërisë, në shkollat e Kosovës, në shkollat e tjera të trojeve shqiptare.
Ministri Tafaj, u shpreh se sistemi arsimor shqiptar, u ndryshua në strukturën e tij, në sistemin parauniversitar nga 8 plus katër në 9 plus 3 dhe ky ndryshim zbatohet që nga viti 2008. Vitin e kaluar ne kishim maturën e parë, që përfundoi mbi bazën e strukturës së re 9 plus 3 dhe natyrisht dhe mbi bazën e krurrikulës së re të gjimnazit. Ky ishte ndryshim i domosdoshëm, i cili përafroi në strukturë, strukturën e sistemit të arsimit tonë parauniversitar me atë të shumicës së vendeve të BE, ishte një ndryshim i domosdoshëm.
Ministri Tafaj theksoi se kurrikula 1-9 nënkupton një reformë radikale të formimit universitar dhe të trainimit të mësuesve. Kjo reformë ka filluar në vitin 2010, ne kemi arritur vetëm disa hapa, kemi ndryshuar strukturën që u mundësua dhe nga implementimi i strukturës së re të studimeve universitare, mbështetur në procesin e Bolonjës. Ne na duhet një përmbajtje e cila e përgatit mësuesin të përballojë këtë kurrikul moderne në arsimin bazë dhe këtë kurrikul moderne që zbatojmë në shkollat e mesme të vendit. Kërkohet që kurrikula si në nivelin e parë dhe të dytë të studimeve në mësuesi, të ofrojë kompetencat kyçe. Të aftësojmë mësuesit e arsimit bazë me objektivin afatgjatë, si mësues që zhvillojnë kurrikulën nga klasa e parë në të gjashtë.
Ministri Tafaj, nënvizoi se një moment tjetër shumë i rëndësishëm i formimit të mësuesve është formimi praktik i mësuesve dhe kjo lidhet me kohën e praktikës mësimore gjatë studimeve univeristare nën mbikqyrjen e universiteteve, dhe këtij momenti duhet t’i japim një peshë më të madhe në kurrikul
Ministri Tafaj theksoi se me trainimin e mësuesve bëmë një hap të rëndësishëm dhe vendosëm standardin, se çdo mësues të trainohet tre ditë në vit. Kemi kapacitetet, kemi shtatë fakultete mësuesie, që mund të trainojnë mësuesit si askush tjetër dhe ky trainim duhet të ecë sa me shpejt, ndaj universitetet, duhet të shpallin katalogët, grafikun e ditëve të trainimeve.
Similar topics
» Ministri i Arsimit dhe Shkencës, z. Myqerem Tafaj, në Konferencën Kombëtare për Sigurinë në Interent
» Histori e shkurtër e arsimit shqip
» Problemet e arsimit dhe sfidat...opinione
» Instituti i zhvillimit te arsimit IZHA
» Lista e Institucioneve të Arsimit të Lartë Publik
» Histori e shkurtër e arsimit shqip
» Problemet e arsimit dhe sfidat...opinione
» Instituti i zhvillimit te arsimit IZHA
» Lista e Institucioneve të Arsimit të Lartë Publik
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
|
|